थोडक्यात बातमी वाचण्यासाठी खाली स्क्रोल करा...
(Uddhav Thackeray - Raj Thackeray ) महापालिका निवडणुकीसाठी सर्वच राजकीय पक्ष तयारीला लागले आहेत. येत्या 15 जानेवारी 2026 रोजी महापालिका निवडणुकीसाठी मतदान होणार आहे, तर 16 जानेवारी 2026 रोजी मतमोजणी होणार असून 2869 जागांसाठी ही निवडणूक होणार आहे.
23 डिसेंबर ते 30 डिसेंबर या कालावधीमध्ये महापालिका निवडणुकीसाठी उमेदवारांना आपले उमेदवारी अर्ज दाखल करता येणार आहेत, तर 31 डिसेंबर रोजी उमेदवारांच्या अर्जाची छाननी होणार आहे. तर 2 जानेवारी 2026 पर्यंत उमेदवारांना आपले अर्ज मागे घेता येणार आहेत. 3 जानेवारी रोजी चिन्हाचं वाटप होणार असून 15 जानेवारी 2026 रोजी मतदान होणार आहे.
याच पार्श्वभूमीवर आता एक चर्चा रंगली आहे की ठाकरेंची शिवसेना आणि मनसेच्या युतीची. मुंबई पालिकेसाठी लवकरच ठाकरेंची शिवसेना आणि मनसेची युती होण्याची शक्यता असून 15 जागांचा तिढा सुटल्यावर युतीची घोषणा करण्यात येण्याची शक्यता वर्तवण्यात येत आहे. त्यामुळे ठाकरेंची शिवसेना आणि मनसेची युती कधी होणार हे पाहणं महत्त्वाचे ठरणार आहे.
Summary
मुंबई पालिकेसाठी लवकरच ठाकरेंची शिवसेना-मनसेची युती होण्याची शक्यता
15 जागांचा तिढा सुटल्यावर युतीची घोषणा करण्याची शक्यता
युतीच्या घोषणेकडे सर्वांचे लक्ष