मंगेश जोशी | जळगाव : पब्जी (PUBG) खेळण्यासाठी डाटा अपुरा पडल्याच्या रागातून घराबाहेर पडलेल्या तरुणाचा मृतदेह आढळल्याचा धक्कादायक प्रकार घडला आहे. जळगाव जिल्ह्यातील बोदवड येथे ही घटना घडली असून अजय सुरेश माळी (वय 20) असे मृत तरुणाचे नाव आहे. या तरुणाने आत्महत्या केल्याचा अंदाज वर्तविण्यात आला आहे.
अजयला नुकताच त्याच्या वडिलांनी नवीन मोबाईल घेऊन दिला होता. मात्र, पब्जी खेळण्यासाठी या मोबाईल मधील डाटा संपला व वडिलांनी रिचार्ज न करून दिल्याने या रागातून अजय 10 जुलै रोजी घरातून निघून गेला. याबाबत बोदवड पोलीस स्टेशनला हरवल्याची नोंद देखील करण्यात आली होती. दरम्यान, दोन दिवसानंतर अजयचा मृतदेह एका विहिरीत आढळला. यामुळे परिसरात एकच खळबळ माजली होती. पब्जी खेळण्यासाठी रिचार्ज करून न दिल्याच्या रागातून अजयने आत्महत्या केल्याचा अंदाज वर्तवण्यात येत आहे.