नागझिरा अभयारण्याला लागून असलेल्या गोंदिया जिल्ह्यातील मुंडीपार गावापरिसरात वाघाने हल्ला करून गाईला ठार केले. या घटनेने परिसरात वाघाची दहशत निर्माण झाली.
कॅमेऱ्यात हा थरार दृष्य कैद झाला असला तरी वनविभागाने 'गोरेगाव तालुक्यात वाघ नाहीच', असे सांगीतले. त्यामुळे वनविभागाच्या भुमिकेवर नागरीकांचा संशय निर्माण झाला आहे.
मुंडीपार जंगल परिसराला लागून गाव आणि शेती आहे. इथल्या शेतकऱ्यांचा उदरनिर्वाह हा शेतीवरच अवलंबून आहे. मात्र आता अभयारण्यातील वाघ शेताकडे आणि गावाकडे धाव घेत आहे. त्यामुळे शेतकऱ्यांना शेतीची कामेदेखील करणे कठिण झाले आहे. वाघाचा बंदोबस्त करण्याची मागणी नागरीकांनी केली असली तरी वनविभाग कुंभकर्णी झोपेत आहे.