आज साईबाबांच्या पुण्यतिथीचा मुख्य दिवस असून काकड आरतीने मुख्य दिवसाला सुरुवात झाली. १०३ वा साईबाबांच्या पुण्यतिथी उत्सव शिर्डीत साजरा होत आहे. साई समाधि मंदिर भाविकांना दर्शनासाठी खुले असल्यामुळे साईबाबांच्या मंदिर व मंदिर परिसरामध्ये भाविकांची गर्दी पाहायला मिळत आहे.
पुण्यतिथी उत्सवानिमित्त साईबाबांच्या मंदिर व मंदिर परिसरामध्ये विविध फुलांची आकर्षक सजावट करून विद्युत रोषणाई करण्यात आली असून आज सकाळी ९ वाजता भिक्षा झोळीचा कार्यक्रम कोरोनामुळे साध्या पद्धतीने साजरा होणार आहे.