मनोज जरांगे पाटील यांनी पुन्हा उपोषणाला बसण्याचा निर्णय घेतला आहे. आज मनोज जरांगे पाटलांच्या उपोषणाचा तिसरा दिवस आहे. कायद्याची अंमलबजावणी होईपर्यंत मागे हटणार नसल्याचा इशारा मनोज जरांगे पाटील यांनी दिला आहे.
विशेष अधिवेशन घेऊन अधिसूचनेचे कायद्यात रुपांतर करावे, तसे न झाल्यास दहा फेब्रुवारीपासून पुन्हा उपोषणाला बसणार असल्याचे त्यांनी सांगितले होते. मनोज जरांगेंनी कुठलेही उपचार घेण्यास नकार दिला आहे.
तसेच सरकारकडून जरांगेंशी कुठलाही संपर्क झाला नसल्याची माहिती मिळत आहे. मनोज जरांगेंसोबत विद्यार्थ्यांचेही उपोषण सुरूच आहे.