टोकियो ऑलिम्पिकमध्ये भारतीय तिरंदाज (India's Archer) अतानू दासनं (Atanu Das) पुरुष एकेरी प्री-क्वार्टर्समध्ये धडक दिली आहे. अतानू दासनं दोन वेळचा ऑलिम्पिक चॅम्पियन कोरियन तिरंदाजाला मात देत विजय मिळवला आहे. दोघांमध्ये अटीतटीची लढत रंगल्याचं पाहायला मिळालं.

टोकियो ऑलिम्पिकच्या पाचव्या दिवशी म्हणजेच बुधवारी तीन महिला क्रीडापटूंच्या कामगिरीने भारताला पदकाची आशा दाखवली असतानाच आज बॅडमिंटनपटू पी. व्ही. सिंधू, भारतीय हॉकी संघाने विजय मिळवत उपांत्यपूर्व फेरीमध्ये प्रवेश करत दोन क्रिडा प्रकारांमध्ये पदकाच्या दिशेने एक पाऊल पुढं टाकलं आहे.

यापूर्वी अतानू दासनं राउंड ऑफ 32 चा सामनाही शूट ऑफमध्ये खिशात घातला होता. त्यानं राउंड ऑफ 32 मध्ये चिनी ताइपेचया तीरंदाज डेंग यू चेंग कोको 6-4 नं मात दिली. या सामन्यात जिंकल्यानंतर अतानू समोर कोरियन तीरंदाजाचं मोठं आव्हान होतं. जे अतानूनं दिमाखात पार केलं.