थोडक्यात

• बिहारमध्ये आज पहिल्या टप्प्याकरता मतदान

• 18 जिल्ह्यातील 121 जागांसाठी होणार मतदान

• तेजस्वी यादव , सम्राट चौधरी, खेसारीसह दिग्गजांची प्रतिष्ठा पणाला

(Bihar Election 2025) बिहार विधानसभा निवडणुकीतील पहिल्या टप्प्याचे मतदान आज होणार आहे. आज राज्यातील 121 जागांवर मतदान होणार असून संपूर्ण देशाचे लक्ष लागलेल्या या निवडणुकीत मुख्यमंत्री नितीश कुमार यांच्या नेतृत्वाखालील NDA आणि तेजस्वी यादव यांच्या नेतृत्वाखालील महागठबंधन यांच्यात मुख्य लढत होणार आहे.

पहिल्या टप्प्यात ४५,३४१ मतदान केंद्रांवर ३.७५ कोटी मतदार मतदान करणार असल्याची माहिती मिळत असून या टप्प्यात एकूण १३१४ उमेदवार रिंगणात आहेत. त्यात ११९२ पुरुष व १२२ महिला आहेत. तेजस्वी यादव , सम्राट चौधरी, खेसारीसह दिग्गजांची प्रतिष्ठा पणाला लागली आहे.

त्यामुळे बिहारच्या निवडणुकीत कोण बाजी मारणार हे पाहणं महत्त्वाचे ठरणार आहे. 243 जागांच्या विधानसभेतील उर्वरित 122 जागांसाठी 11 नोव्हेंबर मतदान होणार असून 14 नोव्हेंबरला मतमोजणी होणार आहे. मतमोजणीला सकाळपासून सुरुवात झाली असल्याचे पाहायला मिळत आहे.