(Pune ) पुणे शहरात गुन्हेगारीच्या घटनांमध्ये वाढ होत असतानाच, पुण्याजवळील लोणी काळभोर परिसरातून एक धक्कादायक घटना समोर आली आहे. स्थानिक नागरिकांच्या निदर्शनास आले की, लोणी काळभोर स्टेशनच्या परिसरात इराणचे राष्ट्रीय झेंडे व अली खामेनीचे फोटो असलेले फ्लेक्स लावण्यात आले होते.
ही बाब लक्षात येताच पोलिसांनी तात्काळ घटनास्थळी धाव घेतली व संबंधित झेंडे व फ्लेक्स त्वरित हटवले. प्राथमिक चौकशीत असे स्पष्ट करण्यात आले आहे की, हे फ्लेक्स एका धार्मिक कार्यक्रमाच्या पार्श्वभूमीवर लावण्यात आले होते. याचा इराण-इस्रायल संघर्षाशी कोणताही संबंध नसल्याचे आयोजकांकडून स्पष्ट करण्यात आले आहे.
या संपूर्ण घटनेबाबत पोलीस विभागाकडून सखोल चौकशी सुरु असून, कोणत्याही प्रकारचा गैरसमज अथवा अफवांना थारा न देता नागरिकांनी शांतता व कायदा-सुव्यवस्था अबाधित ठेवावी, असे आवाहन पोलिसांनी केले आहे.