थोडक्यात

• पुण्यातील जैन बोर्डिंग जमीन व्यवहार प्रकरण

• बिल्डर विशाल गोखलेंनी व्यवहारातून घेतली माघार

• जैन समाजाचा मोठा विजय

(Pune Jain Boarding Land Case) पुण्यातील जैन बोर्डिंग हाऊस जमीन व्यवहार प्रकरण गेल्या काही दिवसांपासून चांगलेच चर्चेत आहे. माजी आमदार रवींद्र धंगेकर यांनी केंद्रीय राज्यमंत्री मुरलीधर मोहोळ यांच्यावर ट्विटरवर पोस्ट करत अनेक आरोप केला. रवींद्र धंगेकर आणि मुरलीधर मोहोळ यांच्या अनेक आरोप प्रत्यारोप पाहायला मिळाले. यावर राजकीय वर्तुळातून अनेक प्रतिक्रिया आल्या.

याच पार्श्वभूमीवर आता पुण्यातील जैन बोर्डिंग जमीन व्यवहार प्रकरणात या जमीन व्यवहार प्रकरणातून विशाल गोखलेंनी माघार घेतल्याचे पाहायला मिळत आहे. हा जैन समाजाचा मोठा विजय आहे. काल मुरलीधर मोहोळ जैन बांधवांची भेट घेतली होती. त्यांनतर आज बिल्डर विशाल गोखले या व्यवहारातून बाहेर पडल्याची माहिती मिळत आहे.

गेल्या काही आठवड्यांपासून जैन समाजाने पुण्यातील या जैन बोर्डिंगच्या जागा विक्रीला तीव्र विरोध दर्शवला आहे. या बोर्डिंगची जागा बिल्डरला विकण्यात आल्याचा आरोप जैन समाजाकडून करण्यात आला असून हा व्यवहार रद्द करावा, अशी त्यांची मागणी होती. स्वाभिमानी शेतकरी संघटनेचे नेते राजू शेट्टी यांच्या अध्यक्षतेखाली देखील या विषयावर काल बैठक झाली. या बैठकीनंतर राजू शेट्टी आणि मुरलीधर मोहोळ यांच्यात देखील चर्चा झाली असल्याची माहिती मिळत आहे.