बातमी वाचण्यासाठी खाली स्क्रोल करा...
(Mumbai Pollution ) मुंबई प्रदूषणासंदर्भात काल हायकोर्टात सुनावणी पार पडली. मुख्य न्यायमूर्ती श्री चंद्रशेखर आणि गौतम अंखड यांच्या खंडपीठासमोर सुनावणी पार पडली. यावेळी महापालिका आयुक्त भूषण गगराणी आणि प्रदूषण महामंडळाचे सचिव कोर्टात हजर राहिले असून आज पुन्हा मुंबई महापालिकेला या संदर्भात उत्तर देण्याचे न्यायमूर्तींनी आदेश दिले असल्याची माहिती मिळत आहे.
काय उपाय योजना केल्या आहेत ते सांगा असे न्यायमूर्तींनी आदेश दिले असून आज पुन्हा आयुक्त आणि सचिवाना कोर्टात हजर राहावे लागणार आहे. न्यायालयाने आज या प्रकरणावर विशेष सुनावणी घेण्याचे निश्चित करण्यात आले असून शहरातील वायू प्रदूषण कमी करण्यासाठी कोणत्या ठोस उपाययोजना केल्या जाणार? अशा मुख्य गोष्टींवर बुधवारपर्यंत स्पष्टीकरण सादर करण्याचे आदेश मुख्य न्यायमूर्तींनी पालिकेला दिले आहेत.
त्यामुळे आता आजच्या सुनावणीकडे सर्वांचे लक्ष लागले असून काय निर्णय होणार हे पाहणं महत्त्वाचे ठरणार आहे.
Summary
मुंबई प्रदूषणासंदर्भात आज पुन्हा हायकोर्टात सुनावणी
मुंबई महापालिकेचे आयुक्त भूषण गगराणी यांना उद्याही हजर राहावं लागणार
काय उपाय योजना केल्यात ते सांगा, न्यायमूर्तींचे आदेश