Bhandara Latest News: भंडारा जिल्ह्यात एक धक्कादायक घटना घडली आहे. वीज पडून दोन महिलांचा मृत्यू झाला असून चार जण जखमी झाले आहेत. जखमींना मोहाडी ग्रामीण रुग्णालयात दाखल करण्यात आले आहे. कलाबाई गोखले आणि आशा सोनकुसरे असं मृत महिलांचं नाव आहे. या घटनेमुळं परिसरात भीतीचं वातावरण पसरलं आहे. ही दुर्देवी घटना माहोळी तालुक्यातील आंदळगाव येथे घडली.

मिळालेल्या माहितीनुसार, भंडारा जिल्ह्यात वीज पडून दोन महिलांचा मृत्यू झाला आहे. मोहाळी तालुक्यातील आंदळगाव येथे परे रोवणीचा काम सुरु होता. दुपारच्या वेळी मजूर शेतात रोवणी करत होते. त्याचदरम्यान अचानक आकाशात वीजेचा कडकडाट झाला आणि मजूर महिलांच्या अंगावर वीज कोसळली. त्यानंतर या महिलांचा मृत्यू झाला तर चार जण जखमी झाले आहेत.