माजी पोलीस अधिकारी संजय पांडेंविरोधात गुन्हा दाखल करण्यात आला आहे. संजय पांडेंसह 7 जणांवर खंडणीचा गुन्हा दाखल झाला आहे. ठाणेनगर पोलीस ठाण्यात गुन्हा दाखल करण्यात आला आहे.
खंडणीसाठी धमकी देणे, न्यायालयाची दिशाभूल करणे, नकली दस्तऐवज बनवणे आदी कलमांखाली हा गुन्हा दाखल करण्यात आल्याची माहिती मिळत आहे. व्यापारी संजय पुनामिया यांच्या तक्रारीवरून हा गुन्हा झाला आहे.
व्यापारी संजय पुनामिया यांनी सांगितले की, मे २०२१ ते ३० जून २०२४ या कालावधीत त्यांनी आपला छळ केला. तसेच या सगळ्यांनी मिळून ठाणेनगर पोलिस स्टेशनमध्ये २०१६ मध्ये दाखल झालेल्या एका गुन्ह्याचा बेकायदेशीर तपास केला. त्याचबरोबर मला आणि इतर व्यावसायिकांना छोटया केसेसच्या धमक्या दिल्या, पैसे उकळले आणि विशेष सरकारी वकील म्हणून खोटे दस्तऐवज तयार करून न्यायालयाची दिशाभूल करण्याचा प्रयत्न केला. असे ते म्हणाले.