एका युट्युब पत्रकाराने तरुणीची हत्या केल्याची धक्कादायक घटना समोर आली आहे. ही तरुणी जालना जिल्ह्यातील असून स्पर्धा परीक्षेचा अभ्यास करण्यासाठी ती औरंगाबादमध्ये आली होती. आज सकाळी आरोपी हा मृतदेह एका कारमधून घेऊन जात होता. यानंतर आरोपीने देवगाव रंगारी पोलिस ठाण्यात जाऊन आणि पत्रकारांच्या व्हाट्सअप ग्रुप वर माहिती पाठवून गुन्हाची कबुली दिली.
ही हत्या प्रेम प्रकरणातून झाली असावी अशी शंका शेजारी आणि आजूबाजूला राहणारे नागरिक व्यक्त करत आहेत. खून झालेल्या तरूणीचा आणि आरोपी तरुणाचा सोबत असलेला फोटो या दोघांची चांगलीच जवळील असल्याचे सांगून जातो. दरम्यान या घटनेमुळे परिसरात खळबळ उडाली आहे. पोलिस अधिक तपास करत आहेत.