आदित्य ठाकरे आणि सुधीर मुनगंटीवार यांच्यात चांगलीच जुंपलेली पाहायला मिळते आहे. दोघेही एकमेकांवर टीका करताना आपल्याया पाहायला मिळत आहे.

मुंबई फुटबॉल असोसिएशन, फुटबॉल ऑस्ट्रेलिया आणि मुंबईतील ऑस्ट्रेलियन वाणिज्य दूतावासद्वारे आजपासून पुढील दोन दिवस फुटबॉल डेव्हलपमेंट वर्कशॉपचं आयोजन करण्यात आलं आहे.

या फुटबॉल वर्कशॉपच्या उद्घाटनासाठी आदित्य ठाकरे हे प्रमुख अतिथी म्हणून उपस्थित होते. यावेळी त्यांनी सुधीर मुनगंटीवार यांच्यावर जोरदार टीका केली आहे. राज्य सरकारविरोधात जनमत आहे असं वाटतंय तर वरळी विधानसभेचा राजीनामा द्या. तिथे निवडणूक घेऊ. ठरवू काय होतं ते असे मुनगंटीवार म्हणाले होते. यावर उत्तर देत आदित्य ठाकरे म्हणाले की, आदित्य ठाकरे यांनी हे आव्हान स्वीकारलं असून मी राजीनामा देतो. पण मुख्यमंत्री एकनाथ शिंदे यांना माझ्यासमोर उभं करा. असे ते म्हणाले.