बदलापूरमध्ये एका चार वर्षांच्या तसेच सहा वर्षांच्या दोन चिमुकल्या मुलींवर लैंगिक अत्याचार केल्याची घटना घडली आहे. बदलापूरमधील एका शाळेतील सफाई कर्मचाऱ्याने हे दृष्कृत्य केलं आहे. ही घटना उजेडात आल्यानंतर संपूर्ण महाराष्ट्रात संताप व्यक्त केला जात होता. आता याच प्रकरणातील आरोपी अक्षय शिंदे यानी आत्महत्येचा प्रयत्न केला आहे.
बदलापूर येथील शाळेत दोन चिमुरड्यांवर लैंगिक अत्याचार करणारा नराधम अक्षय शिंदे याने आत्महत्येचा प्रयत्न केला आहे. ट्रान्झिट रिमांडमध्ये नेत असताना त्याने पोलिसांची पिस्तूल हिसकावून स्वतःवर गोळी झाडल्याचे समजते. अक्षय शिंदे याची प्रकृती गंभीर आहे. आरोपी अक्षय शिंदे याने 3 राऊंड फायर केल्याची माहिती आहे.
नेमकं काय घडलं?
तळोजा जेलमध्ये बदलापूर पोलीस आरोपीचा ताबा घेण्यासाठी गेले होते. ट्रान्झिट रिमांडसाठी बदलापूर पोलीस आरोपीचा ताबा घेत होते. ताबा घेत असताना आरोपी अक्षयने पोलिसांची बंदूक हिसकावली. बंदूक हिसकावताच त्याने बंदुकीतून तीन राऊंड फायर केले. आरोपीने स्वतःवर आणि पोलिसांवर गोळी झाडली. यात एक पोलीस कर्मचारी जखमी झाला. स्वतःवर गोळी झाडल्यानंतर अक्षय गंभीर जखमी झाला.