पुणे : टाईम पास फेम प्रसिद्ध मराठी अभिनेत्री केतकी माटेगावकर (Ketaki Mategaokar) यांच्या चुलत भावाने पुण्यात आत्महत्या केल्याची घटना समोर आली आहे. नोकरी न मिळण्याच्या भीतीने अक्षय माटेगावकरनं आपलं जीवन संपवल्याचं प्राथमिक माहितीमधून समोर आलं आहे. अक्षयने तणावात असताना इमारतीच्या थेट आठव्या मजल्यावरून उडी मारत आत्महत्या केली आहे. या घटनेमुळे केतकी माटेगावकरच्या कुटुंबाला, तसंच तिच्या चाहत्यांना मोठा धक्का बसला आहे. मयत अक्षय हा संगणक अभियंता आहे. या घटनेमुळे मराठी चित्रपट सृष्टीमध्ये हळहळ व्यक्त केली जातेय.