आदित्य ठाकरे यांनी ट्विट करत बीएमसीला प्रश्न विचारले आहेत. आदित्य ठाकरे यांनी ट्विट करत म्हटले आहे की, पावसाळा जवळ आला असल्याने, @mybmc साठी माझ्याकडे काही प्रश्न आहेत:
१) १८ जानेवारी २०२३ रोजी सुरू झालेल्या मेगा (घोटाळ्यात) रस्त्यांच्या कामांची नेमकी सद्यस्थिती काय आहे? बेकायदेशीर मुख्यमंत्र्यांच्या कंत्राटदार मित्रांकडून आकारलेल्या आणि वसूल केलेल्या दंडाच्या रकमेसह.
२) मी अनेक वेळा निदर्शनास आणून दिले आहे की,मुंबईतील २४ पैकी जवळपास १५ वॉर्डांमध्ये सहाय्यक आयुक्त (पूर्णवेळ) नाहीत. त्याची सद्यस्थिती काय आहे? पावसाळ्यात त्यांना मिनी महापालिका आयुक्त म्हणून काम करावे लागते.
३) आम्ही २०२१ मध्ये सुरू केलेल्या मिलन सबवेजवळील भूमिगत पावसाच्या पाण्याच्या होल्डिंग टाकीची सद्यस्थिती काय आहे? २०२३ च्या मध्यापर्यंत ते पूर्णपणे तयार व्हायला हवे होते. हे आम्ही गांधी मार्केट आणि हिंदमाता येथे बनवलेल्या मॉडेलवर तयार केले होते. असे सवाल आदित्य ठाकरे यांनी विचारले आहेत.