Raj Thackeray's Meeting on July 18 : राज्यात शालेय अभ्यासक्रमात हिंदी सक्तीविरोधात वातावरण चांगलंच तापलेलं असताना मनसे पक्षासोबतच इतर संघटनांनी पहिलीपासून हिंदी नको, ही ठाम भूमिका घेतली होती. 8 जुलै रोजी मिरा-भाईंदर येथे शक्तीप्रदर्शन केलं. या मोर्चाला प्रचंड प्रतिसाद मिळाला आणि हजारो कार्यकर्ते रस्त्यावर उतरले. याच पार्श्वभूमीवर राज ठाकरे मिरा रोडला 18 जुलैला एक सभा घेणार आहेत.

5 जुलै रोजी मुंबईत 'विजयी मेळाव्याचं' आयोजन करण्यात आलं, ज्यामध्ये मनसे अध्यक्ष राज ठाकरे आणि शिवसेना (ठाकरे गट) प्रमुख उद्धव ठाकरे दोघंही एकत्र मंचावर दिसले. त्यामुळे ठाकरे बंधू पुन्हा एकत्र येणार का, याची राजकीय वर्तुळात चर्चा सुरू झाली आहे.

दरम्यान, हिंदीप्रेमी व्यापाऱ्यांच्या मोर्चाला उत्तर देताना, मनसेने 8 जुलै रोजी मिरा-भाईंदर येथे शक्तीप्रदर्शन केलं. या मोर्चाला प्रचंड प्रतिसाद मिळाला आणि हजारो कार्यकर्ते रस्त्यावर उतरले. आता 18 जुलैला मिरा रोड येथे राज ठाकरे एक सभा घेणार आहेत. ही सभा ‘आभार प्रदर्शन’ असली तरी, त्यात राज ठाकरे काय बोलणार, याकडे राज्याचं लक्ष लागलं आहे.

घटनेच्या पार्श्वभूमीत, काही दिवसांपूर्वी मराठी न बोलणाऱ्या मिठाई विक्रेत्यास मनसे कार्यकर्त्यांकडून मारहाण करण्यात आली होती. त्याच्या निषेधार्थ मिरा-भाईंदरमधील अमराठी व्यापाऱ्यांनी मोर्चा काढला होता. मनसेने हा मोर्चा भाजप समर्थित असून, तो मराठी जनतेला चिडवण्यासाठी काढल्याचा आरोप केला होता. याचविरोधात मनसेने 8 जुलै रोजी भव्य मोर्चा काढला आणि त्यात प्रचंड गर्दी उसळली. आता त्याचपार्श्वभूमीवर राज ठाकरे 18 जुलै रोजी काय भूमिका मांडतात, हे पाहणं राजकीय दृष्टिकोनातून महत्त्वाचं ठरणार आहे.

हेही वाचा...