AI Impact : आजकाल प्रत्येक क्षेत्रात कृत्रिम बुद्धिमत्तेचा (AI) वापर मोठ्या प्रमाणावर वाढलेला आहे. मात्र, जगभर डिजिटल क्रांती आणणाऱ्या या AI तंत्रज्ञानावर आता एक गंभीर प्रश्न उपस्थित केला जात आहे. एका अभ्यासानुसार, AI मुळे पाणीटंचाईचा धोका निर्माण होऊ शकतो, असा निष्कर्ष काढण्यात आले आहे. 'डेटा सेंटर्सचे कार्बन आणि वॉटर फूटप्रिंट्स आणि हे कृत्रिम बुद्धिमत्तेसाठी काय अर्थ ठेवते?' या अहवालात ही चिंताजनक बाब समोर आली आहे.
या अभ्यासानुसार, AI उद्योगातील पाण्याचा वापर बाटलीबंद पाण्याच्या एकूण वापरापेक्षाही जास्त झाला आहे. मोठ्या लँग्वेज मॉडेल्स आणि जनरेटिव्ह AI टूल्ससाठी आवश्यक असलेले डेटा सेंटर्स आणि त्यातले सर्व्हर थंड ठेवण्यासाठी प्रचंड प्रमाणात पाणी वापरले जात आहे. उदाहरणार्थ, मेटा कंपनीच्या न्यूटन काउंटीतील जुन्या डेटा सेंटरमध्ये दररोज 5 लाख गॅलन पाणी वापरले जात असल्याचे अनुमान आहे.त्यामुळे, AI च्या वाढत्या वापरामुळे पाणी बचतीसाठी नवीन उपाय शोधणे अत्यंत गरजेचे ठरले आहे.
थोडक्यात
AI चा वापर वाढलेला: प्रत्येक क्षेत्रात कृत्रिम बुद्धिमत्तेचा (AI) वापर मोठ्या प्रमाणावर वाढलेला आहे.
AI मुळे पाणीटंचाईचा धोका: एका अभ्यासानुसार, AI मुळे पाणीटंचाईचा धोका निर्माण होऊ शकतो.
डेटा सेंटर्सचा पर्यावरणीय परिणाम: 'डेटा सेंटर्सचे कार्बन आणि वॉटर फूटप्रिंट्स' या अहवालात या चिंतेचा उल्लेख.
AI तंत्रज्ञानावर गंभीर प्रश्न: AI तंत्रज्ञानामुळे पर्यावरणीय संकटं, विशेषतः जलसंसाधनांवर होणारा दबाव, यावर गंभीर चर्चा सुरू.