Anjali Damania : सामाजिक कार्यकर्त्या अंजली दमानिया यांनी पुण्याच्या कथित जमीन घोटाळ्याप्रकरणी उपमुख्यमंत्री अजित पवार यांच्यावर गंभीर आरोप केले आहेत. अंजली दमानिया यांनी अजित पवारांवर तात्काळ राजीनामा देण्याची मागणी केली आहे. त्यांनी मुख्यमंत्री देवेंद्र फडणवीस यांना 24 तासांच्या आत अजित पवारांचा राजीनामा घ्यावा, अशी विनंती केली आहे.

अंजली दमानिया यांनी पत्रकार परिषदेत सांगितले की, जर 24 तासात अजित पवारांचा राजीनामा घेतला नाही, तर त्या दिल्लीला जाऊन केंद्रीय गृहमंत्री अमित शहा यांची भेट घेणार आहेत. त्यांनी सरकारच्या भ्रष्टाचार विरोधी धोरणांची आठवण देखील दिली.

यावेळी अंजली दमानिया यांनी 'अमेडिया' कंपनीशी संबंधित जमीन व्यवहारावर गंभीर आरोप केले. त्यानुसार, पार्थ पवार यांच्या भागीदारीत असलेल्या या कंपनीने जमीन खरेदी न करता डेटा सेंटर सुरू करण्यासाठी लीज घेतली आहे. कंपनीने सरकारी नियमांचे उल्लंघन केले असून, हा जमीन ढापण्याचा प्रकार असल्याचा दावा त्यांनी केला.

दमानिया यांनी पार्थ पवार आणि अन्य संबंधित व्यक्तींविरुद्ध तात्काळ कारवाई करण्याची मागणी केली आहे. त्यांनी असा प्रश्न उपस्थित केला की, पार्थ पवार यांच्यावर गुन्हा का दाखल केला गेलेला नाही, जरी त्यांची कंपनीमध्ये 99 टक्के भागीदारी असली तरी. जर अजित पवारांनी राजीनामा दिला नाही, तर अंजली दमानिया गृहमंत्री अमित शहा यांची भेट घेण्याचा इशारा दिला आहे.