राज ठाकरेंवर निवडणुकीदरम्यान भूमिका बदलल्याच्या आरोपांवरून त्यांच्या मुंबईत झालेल्या सभेत सडेतोड उत्तर दिलं आहे. यावेळी त्यांनी भाजपच्या भ्रष्टाचारी नेत्यांची यादी वाचून दाखवली आहे. तसेच त्यांनी शिवसेना आणि कॉंग्रेसवर देखील हल्लाबोल केला आहे.
इतर पक्ष काही करतील ती त्यांची परिस्थिती आणि आम्ही केलं की भूमिकेत बदल, असं का? असा प्रश्न राज ठाकरेंनी त्यांच्या सभेत उपस्थित केला आहे. राज ठाकरेंनी केलेल्या वक्तव्यावर राजकीय पडसाद उमटताना दिसत आहेत. याचपार्श्वभूमीवर मंत्री आशिष शेलार यांनी राज ठाकरेंवर पलटवार केला आहे.
मंत्री आशिष शेलार यांनी सोशल मीडियवर पोस्ट करत राज ठाकरेंना धारेवर धरल आहे. आशिष शेलार पोस्ट म्हणाले की, भाजपने कधीही तडजोडीचं राजकारण केलं नाही.. राज ठाकरेंचा नरेटिव्ह तयार करण्याचा प्रयत्न अर्धवट माहितीच्या आधारावर आहे.
असं म्हणत मंत्री आशिष शेलार यांचा राज ठाकरेंवर पलटवार केला. आमच्यासाठी राष्ट्र प्रथम आणि त्यामुळे राष्ट्र निर्माणाच्या आधारावर आम्ही तडजोड केली नाही. भूमिका बदलल्याच्या आरोपांवरून शेलारांनी राज ठाकरेंवर निशाणा साधला आहे.