एटीएम वापरकर्त्यांसाठी महत्वाची बातमी समोर येत आहे. 1 मे आतचा ATM च्या नियमांत बदल होणार आहेत. 1 मेपासून दुसऱ्या बँकेच्या एटीएम मशीनमधून पैसे काढणे, मोजणे आणि बॅलेन्स चेक करणे आता महागणार असल्याची माहिती मिळत आहे.

दुसऱ्या बँकेतील एटीएममधून पैसे काढण्यासाठी मेट्रो शहरात 5 आणि नॉन मेट्रो शहरात 3 व्यवहार मोफत दिले जात आहेत. एटीएम चार्ज वाढवल्याने एटीएम नेटवर्क ऑपरेटर आणि व्हाईट लेबल एटीएम कंपन्यांकडून इंटरचेंज फीस वाढविण्याची मागणी केली जात असल्याची माहिती मिळत आहे.

आरबीआयकडून नॅशनल पेमेंट्स कॉर्पोरेशन ऑफ इंडियाच्या या प्रस्तावास मंजुरी देण्यात आली असून आता दुसऱ्या बँकेच्या एटीएम मशिनमधून पैसे काढणे आता महागणार असून एटीएममधून पैसे काढल्यास 17 ऐवजी 19 रुपये चार्ज लागणार असून बॅलेन्स चेक करण्याचा करण्यासाठी 7 रुपयांवरुन 9 रुपये चार्ज लागणार आहे.