लोकसभा निवडणुकीचे निकाल जाहीर झाले. यात शरद पवार यांच्या राष्ट्रवादीचे उमेदवार बजरंग सोनवणे यांनी 7 हजार मतांनी पंकजा मुंडे यांचा पराभव केला.
याच पार्श्वभूमीवर बजरंग सोनवणे यांनी मनोज जरांगे पाटील यांची भेट घेतली. अंतरवाली सराटीत जाऊन रात्री एक वाजता सोनवणे यांनी मनोज जरांगे पाटील यांची भेट घेतल्याची माहिती मिळत आहे. भेटीनंतर खासदार सोनवणे आणि जरांगे पाटील यांच्यात एक तास चर्चा झाली.
तसेच या भेटीवेळी मनोज जरांगे पाटील यांनी विद्यमान खासदार बजरंग सोनवणे यांचा सत्कार केला आहे. या भेटीमुळे आता राजकीय वर्तुळात चर्चांना उधाण आलं आहे.