मुंबई बॉम्बस्फोटातील आरोपी याकूब मेमनच्या कबरीला व्हीआयपी ट्रीटमेंट दिल्याची माहिती मिळत आहे. कबरीवर मार्बल आणि LED लाईट्स लावण्यात आल्या होत्या. 1993च्या बॉम्बस्फोटातील आरोपी याकूब मेमनच्या कबरीवर मार्बल आणि LED लाईट्स लावण्यात आल्या होत्या. कबरीच्या ओट्याला एकंदरीत संगमरवरी बसवले आहे. LED दिवे लावले आहेत जे रात्रीच्या मुख्यतः मेमनची कबर प्रकाश झोतात राहिल या अनुशंगाने लावलेले दिसतात.

मात्र आता मुंबई पोलिसांची याकूबच्या कबरीवर कारवाई केल्याची माहिती समोर येत आहे. याकूबच्या कबरीवरच्या एलईडी लाईट्स पोलिसांनी काढून टाकल्या आहेत. मुंबई पोलिसांची टीम घटनास्थळी दाखल झाली असून त्यांनी ही कारवाई केली आहे.

मेमनला नागपूर मध्यवर्ती कारागृहात फाशी दिल्यानंतर 30 जुलै 2015 रोजी दक्षिण मुंबईतील मरीन लाइन्स बडा कब्रस्तान येथे दफन करण्यात आले होते.