सीएनजीच्या दरात मोठी कपात करण्यात आली आहे. महानगर गॅसने नवे दर जाहीर केले आहेत. सीएनजीच्या दरांमध्ये प्रति किलो 2.5 रुपये कपात करण्याचा निर्णय घेण्यात आला आहे. दरकपातीमुळे काही प्रमाणात दिलासा मिळणार आहे. मात्र पीएनजीच्या दरात कोणताही बदल करण्यात आलेला नाही.

आजपासून हे नवे दर लागू करण्यात येणार आहे. मुंबईमध्ये महानगर गॅसचे सीएनजीची किंमत प्रति किलोग्रॅम 73.50 रुपये इतकी असणार आहे. दर कपातीमुळे या वाहनचालकांना मोठा दिलासा मिळणार आहे.

महानगर गॅस लिमिटेडनं प्रसिद्धीपत्रकाद्वारे याबाबत माहिती दिली आहे. मंगळवार आणि बुधवारच्या मध्यरात्रीपासून नवीन दर लागू होतील असं कंपनीने जारी केलेल्या पत्रकात म्हटलं आहे.