मुख्यमंत्री उद्धव ठाकरेंच्या (CM Uddhav Thackeray) 'मातोश्री' या निवासस्थानाबाहेर हनुमान चालिसाचे पठण करण्याच्या उद्दिष्टाने मुंबईच्या दाखल झालेल्या आमदार रवी राणा व खासदार नवनीत राणा (Ravi Rana & Navneet Rana) यांना दिवसभराच्या राजकीय नाट्यानंतर काल खार पोलिसांनी अटक केली. दरम्यान, ह्या दोघांची भेट घेऊन चौकशी करण्यासाठी भाजप नेते किरीट सोमय्या हे खार पोलीस स्थानकात जात असताना संतप्त शिवसैनिकांनी सोमय्यांच्या गाडीवर दगडफेक केली.
राणा दाम्पत्याला भेटायला गेलेल्या किरीट सोमय्यांच्या गाडीची काच शिवसैनिकांनी फोडली. या हल्ल्यात किरीट सोमय्या जखमी झाले आहेत.
हया संपूर्ण घटनेमुळे भाजप विरूद्ध महाविकास (BJP Vs MVA Goverment) आघाडी सरकार हा संघर्ष चांगलाच वाढलेला पाहायला मिळतोय. सध्याच्या राजकीय परिस्थितीचा निषेध करण्यासाठी आज भाजपकडून राज्यभर आंदोलन करण्यात येणार असल्याची माहिती समोर आली आहे.