राज्याचे उपमुख्यमंत्री अजित पवार यांनी राष्ट्रवादीत बंड करत शिंदे-फडणवीस सरकारमध्ये सामील झाले. त्यानंतर राष्ट्रवादीत शरद पवार आणि अजित पवार गट असे दोन गट पडले. तर आता अजित पवार गटानेच भाजपलाच धक्का दिला आहे. भाजपचे माजी सरपंच आणि चार विद्यमान सदस्यांनी राष्ट्रवादीत प्रवेश केला आहे.
बीडच्या आष्टी तालुक्यातील हातुळ येथील भाजपचे माजी सरपंच आणि चार विद्यमान सदस्य राष्ट्रवादीच्या गळाला लागले आहेत. आमदार बाळासाहेब आजबे यांनी या सदस्यांचा राष्ट्रवादी काँग्रेसमध्ये प्रवेश करून घेतला आहे. जिल्ह्यात भाजपच्या नेत्या पंकजा मुंडे यांचं वर्चस्व आहे. मात्र आता धनंजय मुंडे यांच्या माध्यमातून राष्ट्रवादी काँग्रेस आपलं वर्चस्व निर्माण करीत आहे.