उत्तर त्रिपुराच्या कांचनपूर उपविभागात भारत-बांगलादेश सीमेवर NLFT (नॅशनल लिबरेशन फ्रंट ऑफ त्रिपुरा) च्या संशयित अतिरेक्यांशी झालेल्या भीषण चकमकीत सीमा सुरक्षा दलाचा (बीएसएफ) एक जवान शहीद झाला. अधिकाऱ्यांनी दिलेल्या माहितीनुसार, कांचनपूर उपविभागातील सीमा-2 चौकी परिसरात बीएसएफचे एक पथक ऑपरेशन करत असताना बांगलादेशकडून गोळीबार सुरू झाला. या हल्ल्यात दोन जवान जखमी झाल्याचे सांगण्यात येत आहे. (bsf jawan martyr at bangladesh border in tripura encounter with militant)

पोलीस अधीक्षक (एसपी) किरण कुमार यांनी पीटीआयला सांगितले की, बांगलादेशातील रंगमती हिल्स जिल्ह्यातील जुपुई भागातून जोरदार सशस्त्र दहशतवाद्यांच्या एका गटाने बीएसएफ जवानांवर गोळीबार केला. सैनिकांनी प्रत्युत्तर दिले, ज्यामुळे दोन्ही बाजूंमध्ये चकमक सुरू झाली. चकमकीदरम्यान एका बीएसएफ जवानाला चार गोळ्या लागल्या.

घटनास्थळी पोहोचलेले कुमार म्हणाले की, बीएसएफने केलेल्या समन्वित प्रत्युत्तरामुळे अतिरेकी फारसे नुकसान करू शकले नाहीत. ते म्हणाले की, या घटनेनंतर भारत-बांगलादेश सीमेवर सुरक्षा वाढवण्यात आली आहे. परिसरात मोहीमही तीव्र करण्यात आली आहे.