दिल्लीमध्ये इमारत कोसळल्याची घटना घडली आहे. दिल्लीच्या मुस्तफाबाद परिसरात पहाटे एक इमारत कोसळून मोठी दुर्घटना घडली असून या घटनेत 4 जणांचा मृत्यू झाल्याची माहिती मिळत आहे. अनेकजण ढिगाऱ्याखाली अडकल्याची माहिती आहे.

घटनेची माहिती मिळताच एनडीआरएफ टीम आणि पोलिसांचे पथक घटनास्थळी पोहोचले असून त्यांच्याकडून बचाव आणि मदतकार्य राबवण्यात येत आहे.

पहाटे 2 वाजून 50 मिनिटांनी ही दुर्घटना घडली. या दुर्घटनेत आतापर्यंत 8 ते 10 जणांना वाचवण्यात आले असल्याची माहिती विभागीय अग्निशमन अधिकारी राजेंद्र अटवाल यांनी दिली आहे. इमारत कशी कोसळली, याबद्दल अद्याप कोणतीही माहिती मिळालेली नाही.