Pune Mumbai St Bus Service : पुण्यातून मुंबईकडे जाणाऱ्यांसाठी अडचणीची बातमी आहे. मुंबई–पुणे द्रुतगती मार्गावर आडोशी बोगद्याजवळ गॅसने भरलेला टँकर पलटी झाल्याने मोठी वाहतूक कोंडी झाली आहे. या घटनेमुळे राज्य परिवहन महामंडळाने पुणे–मुंबई दरम्यानच्या अनेक बसेस रद्द केल्या आहेत.
महामार्गावर गेल्या अनेक तासांपासून वाहनांच्या लांबच लांब रांगा लागल्या असून काही ठिकाणी वाहतूक जवळपास ठप्प आहे. अनेक खासगी वाहने आणि एसटी बसेस अडकून पडल्याने प्रवाशांचे हाल होत आहेत.
अपघातग्रस्त टँकरमधून गॅस गळती सुरू असल्याने परिस्थिती अधिक गंभीर बनली आहे. गॅस दुसऱ्या टँकरमध्ये हलवण्याचे काम सुरू असून ते पूर्ण झाल्यानंतरच मार्ग मोकळा होणार आहे. तोपर्यंत वाहनचालकांनी पुणे–मुंबई द्रुतगती मार्ग टाळावा आणि शक्य असल्यास पर्यायी मार्गांचा वापर करावा, असे आवाहन पोलिसांनी केले आहे.
थोडक्यात
पुण्यातून मुंबईकडे जाणाऱ्यांसाठी अडचणीची बातमी आहे.
मुंबई–पुणे द्रुतगती मार्गावर आडोशी बोगद्याजवळ गॅसने भरलेला टँकर पलटी झाल्याने मोठी वाहतूक कोंडी झाली आहे.
या घटनेमुळे राज्य परिवहन महामंडळाने पुणे–मुंबई दरम्यानच्या अनेक बसेस रद्द केल्या आहेत.