(Smriti Mandhana Post) 7 डिसेंबर, रविवारी दुपारी भारतीय महिला क्रिकेट संघाची उपकर्णधार आणि स्टार खेळाडू स्मृती मानधना हिने एक निवेदन प्रसिद्ध केले होते, ज्यामध्ये तिने आपल्या चाहत्यांना प्रायव्हसी राखण्याचं आवाहन केलं होतं. काही दिवसांपूर्वीच तिने संगीतकार पलाश मुच्छलसोबत लग्न मोडल्याचं अधिकृतपणे जाहीर केलं होतं. त्यानंतर स्मृतीने एक नवा पोस्ट शेअर केला, ज्यामध्ये तिने केल्या विधानामुळे सर्वत्र चर्चा सुरू झाली आहे. स्मृती मानधना (Smriti Mandhana) पुन्हा एकदा चर्चेत आहे. सोशल मीडियावर तिने नुकतेच शेअर केलेलं पोस्ट खूपच चर्चेत आलं आहे. काही दिवसांपूर्वीच तिने पलाश मुच्छलसोबतचा तिचा संबंध आणि लग्न मोडल्याचं खुलासा केला होता. त्यानंतर आता स्मृतीच्या या पोस्टनं सर्वांचे लक्ष वेधून घेतलं आहे.
पोस्टमध्ये स्मृतीने लिहिलं आहे, "शांततेचा अर्थ माझ्यासाठी मौन नाही, तर नियंत्रण (control) आहे." तिचं हे विधान वाऱ्याच्या वेगाने व्हायरल झालं आहे. अवघ्या काही तासांतच या पोस्टला 10 लाखांहून अधिक लाईक्स मिळाल्या, आणि त्यावर अनेक लोकांनी प्रतिक्रिया दिल्या. खरंतर, स्मृतीची ही पोस्ट एक स्मार्टफोन कंपनीच्या पेड प्रमोशनचा भाग होती, पण अनेकांनी या पोस्टला तिच्या व्यक्तिगत जीवनाशी जोडण्याचा प्रयत्न केला.
लग्न मोडण्यावर पहिली प्रतिक्रिया
7 डिसेंबर, रविवारी स्मृती मानधनाने एक निवेदन प्रसिद्ध केलं, ज्यामध्ये तिने चाहत्यांना तिच्या वैयक्तिक जीवनात प्रायव्हसी राखण्याचं आवाहन केलं होतं. "मी अत्यंत संवेदनशील आणि खाजगी काळातून जात आहे, त्यामुळे मला शांतीची आवश्यकता आहे," असं तिने त्या निवेदनात सांगितलं. तिच्या लग्नाबद्दलच्या चर्चांदरम्यानच स्मृतीचं हे विधान समोर आलं. 23 नोव्हेंबर 2025 ला स्मृती आणि पलाशचे लग्न होणार होतं आणि ते लग्न या वर्षातील एक हाय-प्रोफाइल सेलिब्रिटी विवाह म्हणून ओळखलं जात होतं.
साखरपुडा ते लग्न – प्रेमकहाणीचा ट्रॅजेडीमध्ये बदल
यावर्षी त्यांचं नातं खूप चर्चेत होतं. भारतीय महिला क्रिकेट संघाने वर्ल्डकप जिंकल्यानंतर, त्याच डीवाय पाटील स्टेडियममध्ये पलाश मुच्छलने स्मृतीला प्रपोज करून सर्वांना आश्चर्यचकित केलं. स्मृतीने होकार दिला आणि त्यांच्या नात्याला एक नवा वळण मिळालं. 23 नोव्हेंबर 2025 रोजी त्यांचं लग्न होणार होतं, ज्यासाठी सांगलीत मेहंदी, संगीत आणि हळदीचे समारंभदेखील आयोजित केले होते. मात्र लग्नाच्या दिवशी सकाळीच परिस्थिती अचानक बदलली. स्मृतीच्या वडिलांची तब्येत अचानक खालावली आणि त्यांना तात्काळ रुग्णालयात दाखल करावं लागलं. त्यानंतर पलाश मुच्छल देखील थकवलेला आणि तणावाखाली रुग्णालयात दाखल झाला. दोन्ही कुटुंबे अस्वस्थ झाली आणि या परिस्थितीमध्ये, लग्न पुढे ढकलण्याचा निर्णय घेतला गेला.