Nashik Traffic Management : नाशिकच्या त्र्यंबकरोडवर गेल्या काही दिवसांपासून वाहतूक कोंडी होणं सुरू झालं आहे. त्यामुळे भाविक, स्थानिक नागरिक आणि वाहनचालकांना मोठा त्रास सहन करावा लागतोय. संत निवृत्तीनाथ महाराज यांच्या यात्रोत्सवाच्या पार्श्वभूमीवर जिल्हा पोलिसांनी काही वाहतूक बदल घडवून आणले आहेत.

13 ते 16 जानेवारी दरम्यान यात्रोत्सव साजरा होणार असून, राज्यभरातून मोठ्या संख्येने भाविक त्र्यंबकेश्वरमध्ये दाखल होणार आहेत. यामुळे वाहतूक सुरळीत ठेवण्यासाठी पोलिस प्रशासनाने रस्त्यावर काम सुरू केलं आहे. मुख्य रस्त्यांवर काँक्रिटीकरण, ड्रेनेज आणि इतर पायाभूत सुविधांच्या कामांमुळे वाहतुकीला एकेरी बनवण्यात आलं आहे.

वाहतूक मार्गात बदल

नाशिककडून त्र्यंबकेश्वरकडे जाणारी वाहतूक आता गोवर्धनमार्गे वळवली जात आहे. या मार्गावर वाहतुकीचा ताण कमी होईल, अशी अपेक्षा आहे. सातपूर-त्र्यंबकेश्वर रस्त्यावर कामामुळे सध्या एकेरी वाहतूक सुरू आहे. त्र्यंबकेश्वरहून नाशिककडे येणारी वाहतूक पूर्वीप्रमाणेच एकेरी मार्गाने चालवली जाईल.

पोलिसांचे विशेष बंदोबस्त

पोलिसांनी या मार्गावर योग्य बंदोबस्त तैनात केला आहे. एकेरी वाहतूक आणि पर्यायी मार्गांसाठी पोलिसांनी वाहनचालक आणि भाविकांना मार्गदर्शन केलं आहे. नियम पाळ न करणाऱ्यांवर कडक कारवाई केली जाईल, असा इशाराही देण्यात आला आहे.

आगामी काळात सुट्ट्यांचा मोसम आणि यात्रेच्या दिवसांत या मार्गावर अधिक गर्दी होईल. त्यामुळे पोलिसांनी या दरम्यान एकेरी वाहतुकीसह बंदोबस्त आणि उपाययोजना ठेवाव्यात, अशी मागणी नागरिकांकडून केली जात आहे.