हांग्झोहून इंचॉनला जाणाऱ्या फ्लाइट CA139 एअर चायनाच्या विमानाला हवेत असताना आग लागली. एअर चायनाने दिलेल्या माहितीनुसार, शनिवारी सकाळी 9.47 वाजता विमानाने उड्डाण केले आणि दुपारी 12.20 वाजता इंचॉन आंतरराष्ट्रीय विमानतळावर उतरणार होते.

हा विमान हवेत असताना एका प्रवाशाच्या हँडबॅगमधील लिथियम बॅटरीने अचानक पेट घेतला ज्यामुळे विमानाचे शांघाय पुडोंग आंतरराष्ट्रीय विमानतळावर आपत्कालीन लँडिंग करावे लागले.

यावेळी क्रू मेंबर्सने तातडीने परिस्थिती नियंत्रणात आणली. दरम्यान सुदैवाने या घटनेत कोणीही जखमी झाले नाही. एअर चायनाने निवेदन जारी करत घटनेची पुष्टी केली. घटनेनंतर प्रवाशांमध्ये घबराटीचे वातावरण पसरले.