ईव्हीएम मशीन बाबत काँग्रेसचे आमदार विश्वजीत कदम यांनी संशय व्यक्त केला आहे. खरोखरच ईव्हीएममध्ये काहीतरी गोंधळ किंवा घोळ आहे का? असं संशय पलूस कडेगावचे आमदार विश्वजीत कदम यांनी उपस्थित केला आहे.
राज्यातील अनेक दिग्गज ज्या पद्धतीने पराभूत झाले ते पाहता, कुठेतरी काहीतरी गडबड आहे, असा संशय व्यक्त करत धनशक्तीचा प्रचंड वापर महाराष्ट्राच्या राजकारणात होऊ लागला आहे, अशी खंत देखील विश्वजित कदम यांनी व्यक्त केली आहे,ते सांगलीच्या कुंडलमध्ये बोलत होते. पलूस-कडेगाव विधानसभा मतदारसंघातून विश्वजीत कदम यांचा विजय झाला असला तरी त्यांना मिळालेल्या मताधिक्य हे कमी आहे ,आणि महाविकास आघाडीच्या प्रमुख नेत्यांचा झालेला पराभव यावरून विश्वजीत कदम यांनी,हा संशय व्यक्त केला आहे.