थोडक्यात

• एका महिला डॉक्टरनं अत्याचार आणि मानसिक छळाचा आरोप करत आत्महत्या केल्याची धक्कादायक घटना उघडकीस आली.

• या घटनेनं फक्त साताराच नाही, तर संपूर्ण राज्यात खळबळ उडाली आहे.

• आता या प्रकरणावरून राजकीय पातळीवरही आरोप-प्रत्यारोप रंगताना दिसत आहेत.

Phaltan Doctor Suicide : साताऱ्याच्या उपजिल्हा रुग्णालयात काम करणाऱ्या एका महिला डॉक्टरनं अत्याचार आणि मानसिक छळाचा आरोप करत आत्महत्या केल्याची धक्कादायक घटना उघडकीस आली. या घटनेनं फक्त साताराच नाही, तर संपूर्ण राज्यात खळबळ उडाली आहे. आता या प्रकरणावरून राजकीय पातळीवरही आरोप-प्रत्यारोप रंगताना दिसत आहेत.

फलटणमधील एका हॉटेलच्या रूममध्ये ही महिला डॉक्टर मृतावस्थेत सापडली. ती दोन दिवसांआधी हॉटेलमध्ये आली होती. दिवसभर दरवाजा न उघडल्यानं कर्मचाऱ्यांना संशय आला आणि त्यांनी दरवाजा उघडला असता ही धक्कादायक घटना उघड झाली. पोलिसांना माहिती दिल्यानंतर, मृतदेह पोस्टमार्टमसाठी पाठवण्यात आला. तपासादरम्यान पोलिसांना डॉक्टरच्या हातावर लिहिलेली सुसाईड नोट आढळून आली, ज्यात तिने दोन व्यक्तींवर गंभीर आरोप केले होते. त्याचपार्श्वभूमीवर महिला डॉक्टरला न्याय मिळावा म्हणून राज्याचे मुख्यमंत्री यांच्या वर्षा बंगल्यासमोर युवक काँग्रेसचे आंदोलन करण्यात आले आहे.