साताऱ्यात पोगरवाडीला जाणाऱ्या घाटात एसटी बसच्या पाठीमागील बाजूस धोकादायक पद्धतीने लटकून तरुण प्रवास करत असलेला विडिओ सोशल मीडियावर व्हायरल होत आहे. करिअर अकॅडमीचा हा युवक असून या अकॅडमीचे विद्यार्थी पोलीस आणि आर्मीचे प्रशिक्षण घेण्यासाठी घाटातून आणि रस्त्यावर धावत असतात. (Dangerous journey of the youth of Academy through the ghat by hanging on the ladder of the bus)

भर पावसात रस्त्यावर हे युवक अत्यंत धोकादायक पद्धतीने धावत असताना अपघात होण्याची शक्यता निर्माण होत आहे. या हुल्लडबाज विद्यार्थ्यांवर शिक्षकांचे लक्ष नसल्यानेच हे धोकादायक उद्योग हे विद्यार्थी करत आहेत. हीच मुले लष्कर आणि पोलीस प्रशिक्षण घेऊन पुढे देश सेवा करणार का? असा सवाल उपस्थित केला जात आहे.

हात निसटून अपघात झाल्यास याला एसटी चालकाला जबाबदार धरले जाणार मात्र एसटीच्या पाठीमागे काय प्रकार सुरू आहे याची पुसटशीही कल्पना बसचालकाला नाही. या विद्यार्थ्यांवर योग्यवेळी कारवाई केली तर अश्या विकृतीला चाप बसणार आहे.