उद्योगपती मुकेश अंबानी यांनी धमकीच्या ईमेलचे उत्तर न दिल्याने अनोळखी आरोपीकडून आणखी एक धमकीचा ईमेल यावेळी आरोपीने 200 कोटी रुपयांची मागणी केली असल्याची माहिती सूत्रांनी दिली आहे.

दुसऱ्या ईमेलमध्ये आरोपीने "आपण माझा ईमेलला प्रतिसाद दिला नाही. आता रक्कम 200 कोटी आहे अन्यथा मृत्यू वॉरंटवर स्वाक्षरी केलेली आहे" असा मजकूर ईमेलमध्ये लिहण्यात आला आहे.

शुक्रवारीच अंबानी यांना जीवे मारण्याच्या धमकीचा ईमेल आला होता. ज्यामध्ये आरोपीने अंबानी यांच्याकडे 20 कोटी रुपयांची मागणी केली होती आणि जर पैसे दिले नाहीत तर आपला जीव मारण्याची धमकी दिली होती.

पहिल्या धमकीच्या ईमेलमध्ये “तुम्ही 20 कोटी रुपये दिले नाहीत, तर जिवे मारण्याची धमकी दिली होती, त्यात जीवे मारण्यासाठी आमच्याकडे चांगले शूटर असल्याचाही आरोपीने दावा केला होता. तो धमकीचा ईमेल मिळाल्यानंतर, मुकेश अंबानी यांच्या सुरक्षा प्रभारींच्या तक्रारीच्या आधारे, गावदेवी पोलिसांनी आयपीसीच्या कलम 387 आणि 506 (2) अंतर्गत अज्ञात व्यक्तीविरुद्ध एफआयआर नोंदवून तपास सुरू केला आहे.

मात्र आरोपीने आणखी एक धमकीचा ईमेल आरोपीने केल्याने पोलिसाकडून या प्रकरणाचा सखोल तपास सुरू केला आहे.