मुंबईच्या धारावी परिसरामध्ये सिलेंडरचे स्फोट झाले. स्त्याच्याकडेला बेकायदेशीरपणे दुहेरी पार्किंगमध्ये एलपीजी गॅस सिलिंडरने भरलेला ट्रक उभा करण्यात आला होता. सोमवारी रात्री अचानक गॅस सिलिंडरच्या ट्रकला आग लागली. या आगीत ट्रकमधील सिलिंडरचे स्फोट होऊ लागले. या दुर्घटनेत सुमारे 9 ते 10 गाड्यांचे नुकसान झाले आहे.

या आगीमुळे लाखो रुपयांचं नुकसान झालं आहे. सुदैवाने कोणतीही जीवितहानी झालेली नाही. या दुर्घटनेत सुमारे 40 सिलिंडरचे स्फोट झाल्याची माहिती मिळत आहे. या घटनेवेळी पोलीस आणि अग्निशमन दलातील जवान घटनास्थळी तैनात होते.

याच पार्श्वभूमीवर आता पोलिसांनी नऊ जणांविरोधात गुन्हा दाखल करण्यात आला आहे. सिलिंडरची वाहतूक करणारा ट्रक बेकायदेशीर डबल पार्किंगमध्ये उभा असल्याने गुन्हा दाखल करण्यात आला.