थोडक्यात

• कळमनुरीत डॉ. दिलीप मस्केंवर प्राणघातक हल्ला

• सभा आटपून परत येताना वाहनावर दगडफेक

• हल्ल्यामध्ये दिलीप मस्के गंभीर जखमी

वंचित बहुजन आघाडीचे कळमनुरी विधानसभेचे उमेदवार डॉ. दिलीप मस्केंच्या वाहनावर दगडफेक करण्यात आली. सभा आटपून परत येताना वाहनावर दगडफेक करण्यात आली असून हल्ल्यामध्ये दिलीप मस्के गंभीर जखमी झाल्याची माहिती मिळत आहे.

रात्री एक वाजताच्या सुमारास सेलसुरा फाटा जवळ हल्ला करण्यात आला आहे या हल्ल्यामध्ये दिलीप मस्के गंभीर जखमी झाले असून त्यांच्या गाडीच्या काचा फोडण्यात आल्या आहेत.

या हल्ल्यामध्ये डॉ. दिलीप मस्के यांच्या डोक्याला आणि छातीला जबर मार लागला आहे. त्यामुळे त्यांना सुरुवातीला हिंगोलीत एका खाजगी रुग्णालयात ऍडमिट करण्यात आलं होतं त्यानंतर त्यांना नांदेड येथे पुढील उपचारासाठी नेण्यात आले. हा हल्ला कुणी केला हे अद्याप अस्पष्ट असून पुढील तपास कळमनुरी पोलीस करत आहेत.