मुंबई महापालिकेचे अतिरिक्त आयुक्त संजीव जयस्वाल यांना ईडीचं समन्स आले आहे. ईडीकडून मुंबई पालिकेतील कथित घोटाळ्याप्रकरणी मुंबई, ठाण्यासह अनेक ठिकाणी छापेमारी करण्यात आली होती. याच पार्श्वभूमीवर आता मुंबई महानगर पालिकेतील कथित कोविड सेंटर घोटाळ्या प्रकरणी चौकशीसाठी संजीव जैस्वाल यांना ईडीनं समन्स बजावलं आहे.
संजील जैस्वाल यांच्याही घरी छापेमारी करण्यात आली होती. ईडीकडून करण्यात आलेल्या छापेमारीत काही रोख रकमा आणि मालमत्तांसंदर्भातील कागदपत्र ईडीच्या हाती लागली आहेत. याच्याआधी त्यांना चौकशीसाठीसुद्धा बोलवण्यात आलं होतं. मात्र काही महत्त्वाच्या कामांत असल्यामुळे संजीव जैस्वाल चौकशीसाठी हजर राहू शकले नाहीत. आता पुन्हा त्यांना ईडीनं समन्स बजावलं आहे.