indira gandhi banned kishore kumar : स्वतंत्र भारताच्या इतिहासातील काळा अध्याय म्हणजेच आणीबाणी. आणीबाणीला ४७ वर्ष पूर्ण झाली आहेत. 25-26 जून 1975 च्या रात्री इंदिरा गांधींच्या (indira gandhi) सरकारने आणीबाणी लागू केली होती. त्या काळात राजकारणी, सामाजिक कार्यकर्ते, विद्यार्थी नेते इत्यादींना मोठ्या प्रमाणात तुरुंगात टाकण्यात आले. या आणीबाणीचा बॉलीवूडलाही (Bollywood) सोडले नाही. काही कलाकार सरकारच्या बाजूने उभे राहिले होते, पण किशोर कुमार (kishore kumar) यांनी सोबत येण्यास नकार दिला. त्यानंतर तत्कालीन सरकारने त्यांना त्रास देण्याचा नवा मार्ग शोधला. (emergency 1975 indira gandhi banned kishore kumar voice on radio)
20 कलमी कार्यक्रमाचा प्रचार करायचा होता
खरे तर इंदिरा गांधींचे बॉलीवूडच्या मोठ्या सेलिब्रिटींशी चांगले संबंध होते. आणीबाणी लागू झाल्यानंतर, त्यांच्या टीमने ऑल इंडिया रेडिओवर बॉलीवूड स्टार्सद्वारे सरकारच्या 20 कलमी कार्यक्रमाची जाहिरात करण्याची योजना आखली. यासाठी बड्या कलाकारांना मेसेज पाठवण्यात आला, त्यानंतर अनेक स्टार्सनी रेडिओवरून सरकारची धोरणे सांगायला सुरुवात केली.
ऑल इंडिया रेडिओवरील गाण्यांवर बंदी
1975 मध्ये किशोर कुमार यांच्या आवाजाचे लाखो चाहते देशात होते. सरकारचा एक संदेश त्यांच्यापर्यंत पोहोचला, ज्यामध्ये त्यांना ऑल इंडिया रेडिओवर सरकारसाठी एक गाणे गाण्यास सांगितले होते, परंतु किशोर दा यांनी ते मान्य केले नाही.
यानंतर एका मुलाखतीत इंदिरा गांधींचे नाव न घेता ते म्हणाले की, मी कोणाच्या सांगण्यावरून गाणे गात नाही. काही वेळातच ही गोष्ट दिल्लीच्या कॉरिडॉरपर्यंत पोहोचली. यानंतर इंदिरा गांधी आणि संजय गांधी यांचे निकटवर्तीय तत्कालीन माहिती आणि प्रसारण मंत्री विद्याचरण शुक्ला यांनी ऑल इंडिया रेडिओवर किशोर कुमार यांच्या गाण्यांवर बंदी घातली. आणीबाणी संपेपर्यंत ही बंदी कायम होती. त्या काळात रेडिओवर किशोर कुमारांचा आवाज ऐकू येत नव्हता.
जेव्हा गुलजार यांच्या चित्रपटावर बंदी घालण्यात आली होती
आणीबाणीच्या काळात इंदिरा गांधींनी चित्रपटांवर पूर्णपणे बंदी घातली होती. सरकारच्या हिताचे नसलेले काही चित्रपट निर्माते दाखवतील अशी भीती त्यांना होती. त्यावेळी गुलजार यांचा 'आँधी' हा चित्रपटही तयार झाला होता, ज्यामध्ये सुचित्रा सेना आणि संजीव कुमार मुख्य भूमिकेत होते. या चित्रपटालाही इंदिरा सरकारने परवानगी दिली नाही.