कर्जमुक्तीच्या मागणीवर राज्यभरात आंदोलन करणारे शेतकरी नेते रविकांत तुपेकर यांच्या गाडीचा रात्री 12.30 सुमारास अपघात झाला. धाराशिव येथील वाशी तालुक्यातील पारगाव टोलनाक्यावर लातूरकडून जालनाकडे जाताना अपघात झाला. ट्रक ड्रायव्हर मद्यधुंद असल्याची प्राथमिक माहिती मिळत आहे. भरधाव वेगाने येणाऱ्या ट्रकने रविकांत तुपेकर यांच्या गाडीला मागून धडक दिली. सुदैवाने या भीषण अपघातमध्ये कोणालाही दुखापत झाली नाही. रविकांत तुपेकर यांच्या गाडीमध्ये बसलेल्या पीए कार्तिक सवडतकर व राजाराम जाधव यांना सौम्य मार लागला आहे. तसेच चालक अजय मालगे व तुपकरांचे सहकारी गजानन नाईकवाडे यांना कोणतीही दुखापत नाही.
मिळालेल्या माहितीनुसार, ट्रकचा चालक हा दारूच्या नशेत होता, अपघातानंतर चौकशी केली असता, चालक खोटे बोलत होता, माहिती लपवण्याचा प्रयत्न त्याचा चालू होता. पोलिसांनी ट्रकमधील किनरला ताब्यात घेतले आहे. साखरेने भरलेला ट्रक जप्त केला आहे.