वादळी वाऱ्यासह मुसळधार पाऊस कोसळल्यानं घाटकोपरमध्ये हायवेजवळ असलेल्या पेट्रोलपंपावरील महाकाय होर्डिंग्ज कोसळलं. या दुर्घटनेत 16 जणांचा मृत्यू झाला.
याच पार्श्वभूमीवर आता घाटकोपर होर्डिंग दुर्घटनेची SIT चौकशी होणार असल्याची माहिती समोर येत आहे. या एसआयटी पथकामध्ये एकूण ६ अधिकाऱ्यांची नियुक्ती करण्यात आली आहे.
मुंबई गुन्हे शाखेचे सहआयुक्त लखमी गौतम यांनी याबाबतचे आदेश जारी केले आहेत. तसेच भावेश भिंडेच्या कार्यालयातून कागदपत्रे जप्त करण्यात आली असून त्यानुसार तपास सुरू असल्याचे पोलिसांनी सांगितले.