माधवी गायकवाड, मिरा भाईंदर
भाईंदरमध्ये आझाद नगर झोपडपट्टीला भीषण आग लागली आहे. भाईंदर पूर्वेकडील गोल्ड नेस्ट सर्कलजवळील आझाद नगर झोपडपट्टीत आग लागली आहे. अग्निशमन दलाच्या अधिकाऱ्यांनी घटनास्थळी धाव घेत आगीवर नियंत्रण मिळवण्यास सुरुवात केली आहे.
अग्निशमन दलाचे दोन जवान गंभीर जखमी झाले आहेत. मीरा-भाईंदर महानगरपालिका अग्निशमन विभागाचे अधिकारी प्रकाश बोराडे यांनी माहिती दिली आहे. या आगीत एकाचा मृत्यू झाला आहे. अग्निशमन दलाकडून आग आटोक्यात आणण्यासाठी शर्थीचे प्रयत्न सुरु आहेत.
आगीच कारण अद्याप स्पष्ट झालेलं नाही. पहाटे ५ वाजण्याच्या सुममारासही आग लागल्याची माहिती समोर येत आहे. आगीवर नियंत्रण मिळवण्याचे प्रयत्न सुरू आहेत.