Navi Mumbai Heavy Rainfall Video : गेल्या काही दिवसांपासून मुंबईत पावसाची संततधार सुरुच आहे. परंतु, आज सकाळपासून मुंबईत मुसळधार पाऊस कोसळल्यानं जनजीवन विस्कळीत झालं असून वाहतुकीवरही मोठा परिणाम झाला आहे. पावसानं थैमाना घातल्यानं नवी मुंबई परिसरात रस्त्यांना तलावाचं स्वरुप आलं आहे. सखल भागात पाणी साचल्यानं वाहनचालकांना नाहक त्रास सहन करावा लागत आहे.

नवी मुंबईत कोसळलेल्या मुसळधार पावसाचा व्हिडीओ सोशल मीडियावर व्हायरल झाला आहे. मुंबईत पुढचे २४ तास मुसळधार पाऊस पडणार असल्याचा इशारा हवामान विभागाने दिला आहे.पावसाचा आनंद लुटण्यासाठी मुंबईच्या मरिन ड्राईव्हवरही नागरिकांनी मोठी गर्दी केली होती.

या पार्श्वभूमीवर पोलिसांकडून नागरिकांच्या सुरक्षेच्या कारणास्तव चोख बंदोबस्त लावण्यात आला आहे. मुंबईत जोरदार पाऊस सुरु असल्यानं सायन, दादर, हिंदमाता परिसरात पावसाचं पाणी साचलं आहे.