मुंबई महानगरात काल रात्रीपासून मुसळधार पाऊन सुरु आहे. अनेक ठिकाणी सखल भागांत पाणी साचलं आहे. मध्य व हार्बर रेल्वेसेवाही ठप्प झाली आहे. मुंबई महानगरपालिकेने महत्वाचा निर्णय घेतला आहे. दुसर्‍या सत्रातही शाळा, महाविद्यालये बंद ठेवण्याचा निर्णय मुंबई महानगरपालिकेने घेतला आहे.
याआधी केवळ पहिल्या सत्रातील शाळा व महाविद्यालये बंद ठेवण्याचा निर्णय घेण्यात आला होता. मात्र, मुसळधार पावसामुळे उद्भवलेली परिस्थिती पाहता दुसऱ्या सत्रालाही सुट्टी देण्याचा निर्णय घेण्यात आला आहे.