पुण्यात MPSCच्या विद्यार्थ्यांकडून आंदोलन करण्यात येत आहे. नवी पेठ शास्त्री रोडवर विद्यार्थ्यांचं आंदोलन सुरु आहे. कृषीसेवेच्या 258 पदांचा एमपीएसीत समावेश करण्याची मागणी या विद्यार्थ्यांची असून या मागणीसाठी हे आंदोलन करण्यात येत आहे. यासोबतच MPSC, IBPS परीक्षा एकाच दिवशी आल्यानं परिक्षा पुढे ढकलण्याची मागणी करण्यात येत आहे.

याच पार्श्वभूमीवर आज महाराष्ट्र लोकसेवा आयोगाची महत्त्वाची बैठक होणार आहे. विद्यार्थ्यांच्या आंदोलनाबाबात या बैठकीत चर्चा होणार आहे.

आयोगाच्या झालेल्या बैठकीत एमपीएससी विद्यार्थ्यांच्या बाबतचा निर्णय आज सकाळी दहा वाजता घेण्यात येणार असल्याची माहिती मिळत आहे. या बैठकीत काय निर्णय होणार याकडे विद्यार्थ्याचं लक्ष लागले आहे.