Dhule News : धुळे जिल्ह्यातील पिंपळनेर येथील तीन लहान मुलं शेतातील शेत तळ्यात बुडून मृत्यूमुखी पडली आहेत. आपल्या मित्रांसोबत ही मुलं पिंपळनेर पासून जवळ असलेल्या एका खाजगी क्षेत्रात असलेल्या तळ्यात पोहायला गेले होते. त्यावेळी त्यांच्यातला एक मित्र बुडायला लागल्यानंतर, दुसरा त्याला वाचवायला गेला. त्या पाठोपात तिसरा त्या दोघांना वाचवायला गेला त्यात ही दुर्घटना घडली. (Dhule district, three children died after drowning in a farm pond)

या तीघा मुलांच्या मृत्यूमुळे परिसरात एकच शोककळा पसरली आहे. मुलांच्या नातेवाईकांचा टाहो रुग्णालयात हादरवून सोडणारा होता. या दुर्घटनेनंतर पालकांनी आपल्या मुलांची काळजी घेण्याचं आवाहन पोलिसांनी केलं आहे.