थोडक्यात बातमी वाचण्यासाठी खाली स्क्रोल करा...

(IndiGo) इंडिगो गेल्या तीन दिवसांपासून गंभीर अडचणींना सामोरे जात आहे. गुरुवारी कंपनीने तब्बल ५५० उड्डाणे रद्द केली.केबिन क्रूची कमतरता, तांत्रिक अडचणी आणि इतर ऑपरेशनल समस्यांमुळे मोठ्या प्रमाणात सेवा बाधित होत आहेत.

इंडिगो एअरलाईनमुळे पुणे, मुंबई, कोलकाता आणि दिल्ली विमानतळावरुन प्रवास करणाऱ्या विमान प्रवाशांची कालपासून मोठी गैरसोय झाल्याचं पाहायला मिळत आहे. ज्या लोकांनी इंडिगोची बुकींग केली आहे त्यांना याचा मोठा फटका बसल्याचे पाहायला मिळत आहे.

यातच आता इंडिगोची सेवा आणखी आठवडाभर विस्कळीत राहण्याची शक्यता वर्तवण्यात आली असून सरकारच्या हस्तक्षेपानंतरही विमानसेवा विस्कळीत असल्याचे पाहायला मिळत आहे. 10 ते 15 डिसेंबरपर्यंत विमानसेवा पूर्ववत करण्याचा प्रयत्न करण्यात येत असल्याची 'इंडिगो’चे मुख्य कार्यकारी अधिकारी यांनी माहिती दिली.

Summery

• इंडिगोची सेवा आणखी आठवडाभर विस्कळीत राहण्याची शक्यता

• सरकारच्या हस्तक्षेपानंतरही विमानसेवा विस्कळीत

• 10 ते 15 डिसेंबरपर्यंत विमानसेवा पूर्ववत करण्याचा प्रयत्न