दहशतवाद्यांनी अयोध्येतील राम मंदिर उडवून देण्याची धमकी दिली आहे. जैश-ए-मोहम्मद या दहशतवादी संघटनेनं ही धमकी दिल्याचं समोर आलं आहे. या पार्श्वभूमीवर केंद्रीय सुरक्षा यंत्रण सतर्क झाल्या असून राम मंदिर परिसरातील सुरक्षेत वाढ करण्यात आली आहे. पाकिस्तानी अतिरेकी संघटना जैश ए मोहम्मदनं धमकीचा व्हिडीओ जाहीर करत धमकी दिल्याची माहिती समोर आलीय. त्यामुळे उत्तर प्रदेश सरकारने राम मंदिर परिसरात पोलिसांचा मोठा बंदोबस्त तैनात केला आहे. तसच अयोध्येत एनएसजीचा ६ वा तळ तयार करण्यात आला आहे.